Լոնդոն-Երևան հիմնադրվել և գրանցվել է Հայաստանում 1998թ.: Ապահովագրական գործունեություն Ընկերությունն իրականացնում է 2000թ. փետրվարից:

Ներկայումս Լոնդոն-Երևանը տրամադրում է բազմաբնույթ ապահովագրական ծառայություններ՝ համաձայն “Ոչ Կյանքի” ապահովագրության և վերաապահովագրության լիցենզիաների.

• Դժբախտ պատահարներից ապահովագրություն,
• Բժշկական ապահովագրություն,
• Ավտոմեքենաների ապահովագրություն,
• Բեռնափոխադրումների ապահովագրություն,
• Առևտրային գույքի ապահովագրություն,
• Բնակելի տարածքների գույքային ապահովագրություն,
• Կապալառուների բոլոր ռիսկերից ապահովագրություն,
• Պատասխանատվության ապահովագրություն`
• Գործատուի պատասխանատվության ապահովագրություն,
• Հասարակական պատասխանատվության ապահովագրություն,
• Արտադրանքի պատասխանատվության ապահովագրություն,
• Մասնագիտական պատասխանատվության ապահովագրություն,
• Տնօրենների և ծառայողների պատասխանատվության ապահովագրություն,
• Համախմբված պատասխանատվության ապահովագրություն,
• Բանկային ռիսկերի ապահովագրություն,
• Ճանապարհորդության ընթացքում բժշկական աջակցության ապահովագրություն:

Լոնդոն-Երևանi կանոնադրական կապիտալը կազմում է 575 մլն. դրամ:
Լոնդոն-Երևանi անձնակազմը բաղկացած է 35 աշխատողներից:
Լոնդոն-Երևանում ներդրվել և կիրառվում է ժամանակակից պահանջներին և սկզբունքներին համապատասխան կորպորատիվ ղեկավարման համակարգ:

Ապահովագրական շուկայում գործունեության ընթացքում Լոնդոն-Երևանը իրեն դրսևորել է որպես առավել կայուն և դինամիկ աճող միավոր։ Դա բացատրվում է ստորև բերված կարևորագույն ցուցանիշներով՝  

- 2003թ. սկսած հավաքագրած ապահովագրավճարների ցուցանիշով Լոնդոն-Երևանը գտնվում է ՀՀ գործող ապահովագրական ընկերությունների առաջին եռյակում,
 
- Լոնդոն-Երևանի ղեկավարությունը գրեթե անփոփոխ է սկսած 2000թ.` բացառությամբ ընկերության կառուցվածքային զարգացման հետևանքով տեղի ունեցած փոփոխությունների,

- Դրամական հոսքերի, ընկերության դեբիտորական և կրեդիտորական պարտավորությունների վերլուծությունը ցույց է տալիս վերջիններիս մշտական աճն ընկերության ակտիվների մեծացման ուղղությամբ,

Լոնդոն-Երևանի հիմնադիր և բաժնեմասերի 100% սեփականատեր է հանդիսանում “Լոնդոնգեյթ” («Londongate») Բրիտանական խումբը, որի մեջ ներառված են 12 ընկերություններ, որոնք իրականացնում են իրենց գործունեությունը Մեծ Բրիտանիայում, Արևելյան Եվրոպայում, ԱՊՀ երկրներում և Աֆրիկայում:

Գործունեության ընթացքում ձեռք բերած համբավի շնորհիվ Լլոյդսի որոշ Անդերայթերներ և միջազգային ապահովագրական շուկայի որոշ խոշոր մասնակիցներ Լոնդոն-Երևանին բացառիկ իրավունք և հնարավորություն են տվել իրենց անունից իրականացնել ռիսկերի անդերայթինգ:

Լոնդոն-Երևանի ռազմավարությունն է եղել և այժմ էլ հանդիսանում է իր վրա վերցված բոլոր ապահովագրական պարտավորությունների վերաապահովագրությունը` պորտֆելի առավելագույն պաշտպանվածության ապահովման, Լոնդոն-Երևանի նկատմամբ հաճախորդների վստահության և ծառայությունների գրավչության բարձրացման նպատակով:

Վերջին տարվա ընթացքում, հաշվի առնելով բարձր իրացվելի ակտիվների աճը, երկարաժամկետ կտրվածքով եկամուտն ավելացնելու նպատակով Լոնդոն-Երևանը սկսել է աստիճանաբար ավելացնել պարտավորությունների սեփական պահումը: 

Ստորև բերվում է այն վերաապահովագրողների ցանկը, որոնց հետ համագործակցում է Լոնդոն-Երևանը:

Լոնդոն-Երևանի հաճախորդներ են հանդիսանում արտադրության, ծառայությունների տարբեր ոլորտների և բնագավառների ներկայացուցիչներ, բանկեր, առևտրային կազմակերպություններ, սուպերմարկետների ցանցեր, որոնցից շատերն առաջատար տեղ են զբաղեցնում իրենց գործունեության համապատասխան բնագավառներում: Լոնդոն-Երևանի ծառայություններից նաև օգտվում են ոչ կոմերցիոն, հասարակական և ոչ պետական կազմակերպություններ, դեսպանատներ, ինչպես նաև օտարերկրյա և ՀՀ քաղաքացիներ:

ԸՆԿԵՐՈՒԹՅԱՆ ԳՈՐԾՈՒՆԵՈՒԹՅԱՆ ՎԵՐԱԲԵՐՅԱԼ ՎԻՃԱԿԱԳՐԱԿԱՆ ՏՎՅԱԼՆԵՐ

2008թ.-ի արդյունքներով ապահովագրավճարների հավաքագրման ծավալով ընկերությունը
ՀՀ ապահովագրական շուկայում զբաղեցրել է երրորդ տեղը: