Անկախ այն հանգամանքից, որ գոյություն ունեն պատասխանատվության ապահովագրության տարբեր տեսակներ, որոնք ապահովագրում են գործունեության տարբեր ոլորտներ, դրանք բոլորն իրականացվում են միևնույն սկզբունքով` ապահովագրել Ապահովադրի իրավական պատասխանատվությունը:

Անկախ որևիցե արդարացիության կամ բարոյականության գիտակցությունից` պատասխանատվության ապահովագրության վկայագիրն Ապահովադրին կփոխհատուցի միայն այն դեպքերում, երբ առկա է երրորդ անձանց հանդեպ իրավական պատասխանատվություն: Ավելի պարզ` վկայագիրը գործում է միայն այն դեպքերում, երբ երրորդ կողմը կարող է դատարանում արդյունավետ հայց ներկայացնել Ապահովադրի դեմ:

Լոնդոն-Երևանի Պատասխանատվության ապահովագրության վկայագիրն ապահովում է պաշտպանություն երրորդ անձանց կողմից Ապահովադրին ներկայացված պահանջների դեմ: Այդ պահանջները կարող են լինել հետևանք Ապահովադրի գործողությունների կամ անգործության, թերացումների կամ  այլ պատճառների:

ԱՊԱՀՈՎԱԳՐՎՈՂ ՌԻՍԿԵՐ

Գործատուի պատասխանատվությունն ապահովագրում է գործատուների իրավական պատասխանատվությունը` կապված աշխատողների աշխատանքային պարտականությունների կատարման ընթացքում ստացած մարմնական վնասվածքների և/կամ հիվանդությունների արդյունքում կրած վնասների, ծախքերի և ծախսերի հետ:

Հասարակական պատասխանատվությունը ապահովագրում է երրորդ անձանց հանդեպ Ապահովադրի պատասխանատվությունը կապված ապահովագրության ժամկետի ընթացքում Ապահովադրի գործունեության հետևանքով հասցված անձնական վնասվածքների կամ հիվանդության, ինչպես նաև գույքային վնասների հետ:

Արտադրանքի պատասխանատվության վկայագրի հիմնական նպատակն է ապահովագրել Ապահովադրի իրավական պատասխանատվությունը, որն հետևանք է իր արտադրանքի: Այս վկայագրի համար կիրառելի չէ ինքնին արտադրանքի ապահովագրությունը: Սակավաթիվ ապահովագրողներ են պատրաստ տրամադրել արտադրանքի երաշխիքի ապահովագրություն, որը սովորաբար ապահովում է ինքնին արտադրանքի ապահովագրությունը: